Vaserė 21 d. Skouda rajuona savėvaldībės R. Granauskė vėišuojie bėbliuotekuo bova rėngėnīs Tarptautėnē gimtuosės kalbuos dėinā pamėnavuotė. Anamė prėstatīta Raišutienės Juolantas autuoriniu dainū kninga „Spalvuotė nīkštokā“, apduovėnuotė devintuojė žemaitiu kalbuos dėktanta nogalietuojē ėr kėtė žemaitiu kalbuos keravuotuojē.
Skouda rajuona savėvaldīvės R. Granauskė vėišuoji bėbliuoteka so Skouda žemaitiu draugėjė kuožna meta vėsus kvėit rašītė žemaitiu kalbuos dėktanta, katruo ožvardėjėms īr „Vyturėlis čiulba gražiai, vo cīrulielis gėid dā gražiau“.
Šimeta vaserė 6 d. dėktants rašīts jau devinta karta. Vėinė rašė Skouda bėbliuotekuo, kėtė – īstaiguos, organizacėjuos a nomėi pri kompiuteriu, nes dėktants transliouts internetė. Ėr rašiosiu – daugiau nego vėsās kėtās kartās – 85. Be Skouda rajuona gīventuoju rašė žmuonis ėš Plungės, Mažeikiu, Telšiū, Šiauliū, Kretinguos, Klaipiedas miestu ėr rajuonu, Naujuosės Akmenės, Rėitava, Švėntuosės, Palonguos, Kauna, Vėlniaus. Ėr tarp anū bova ne tik žemaitē, bet ėr sava sogebiejėmus žemaitėška dėktanta rašīmė benuori ėšmiegintė aukštaitē.
Vėsėms prizėninkams kliova po Skouda rajuona savėvaldībės R. Granauskė vėišuosės bėbliuotekas dėpluomā ėr duovėna. Kuožnam duovėnū toriejė ėr Seima narė Martėnaitė Tuoma padiejiejė Gaižauskātė Deivida.
Skouda žemaitiu draugėjė kuožna meta apduovėnuo īmuonė, īstaiga arba organizacėjė, katra sava ožvardėjėmou arba reklamā vėišā vartuo žemaitiu kalba. Šimeta ta īstaiga – Editas picerėjė-kebabėnė. Apduovėnuojėma savėninkē Senkevīčienē Editā teikė Skouda žemaitiu draugėjės pėrmininks Grušos Juons ėr anuo pavadoutuojė Srougienė Bėrota.
Juolanta Rašutienė – Lėnkėmūs gėmusi mozėkas muokītuojė ekspertė, dainū kūriejė ėr atlėkiejė, žemaitiu kalbuos pruopagoutuojė, katrā Skouda žemaitiu draugėjė 2011 m. soteikė „Kėitiausė žemaitė“ tėtola. Darboujės Plungės „Saulės“ gimnazėjuo ėr Mīkuola Oginskė mena muokīkluo. Īr ėšlēdusi tris autuoriniu dainū kningas: 2020 m. – „Dainioukem žemaitėškā“ so 12 žemaitėšku dainū, 2021 m. – „Ateikite į šventę!“ so 11 dainū lietuviu bėndrėnė kalbo, 2024 m. – „Spalvuotė nīkštokā“ so 11 žemaitėšku. Ciela 10 ėš anū sosėrinkosė̄jē ėr ėšgėrda. Vuo ėš vėsa koncertė skombiejė 12 Raišutienės J. dainū, dainioujemu Plungės Mīkuola Oginskė mena muokīklas vākū ansamblė, jungtėnė vākū kuora, jaunutiu kuora, mergelku ansamblė, vuokalėnės gropės „Drogīs“, Petkevīčiaus Ėgnuota ėr Zaveckė Kristopa, Plungės „Saulės“ gimnazėjės mergelku ansamblė „Gimnazistės“ ėr vaikioku ansamblė „Gimnazistā“, Daukielātės Iglės ėš Skoudā vākū luopėšēlė-daržēlė ėr Lukauskė Arna ėš Rėitava. Vo paskotėnė tamė kocertė ėr geriausē žėnuoma Raišutienės J. daina „Žemaitėjė brongi, mes – tava vākā“ dainiava vėsė pruogramas dalīvē ėr žiūruovā.
Vėsėms koncertou muokėnius paruošosėms muokītuojems – plungėškiems Bakanauskienē Irenā, Balbiuošiuovienē Linā, Jorkevīčē Kornelėjē, Raišutienē Juolantā – ėr skoudėškē Alonderienē Aušrā – padiekavuota kvietkuoms ėr bėbliuotekas duovėneliems.
Vertimas
Vasario 21 d. Skuodo rajono R. Granausko viešojoje bibliotekoje vyko Tarptautinės Gimtosios kalbos dienos paminėjimo šventė, į kurią susirinko apie 130 dalyvių ir žiūrovų. Renginio metu skambėjo muzikos mokytojos ekspertės, dainų kūrėjos Jolantos Raišutienės sukurtos dainos iš naujos rinktinės „Spalvuotė nīkštokā“. Jas atliko Plungės Mykolo Oginskio meno mokyklos, Plungės „Saulės“ gimnazijos, Skuodo vaikų lopšelio-darželio solistai bei vaikų kolektyvai.
Renginio metu buvo apdovanoti 9-ojo žemaičių kalbos diktanto „Vyturėlis čiulba gražiai, vo cīrulielis gėid dā gražiau“ nugalėtojai mokinių ir suaugusiųjų kategorijose. Apdovanojimai paskirti 8 geriausiems iš 85 pateikusių vertinimui savo diktantus.
Taip pat, renginio metu apdovanota įmonė, kuri metų eigoje dažniausiai savo pavadinime ar veikos reklamai naudoja žemaičių kalbą. Šiais metais Skuodo žemaičių draugijos pirmininkas Jonas Grušas ir jo pavaduotoja Birutė Sruogienė apdovanojo „Editas picerėjė-kebabėnė“ savininkę Editą Senkevičienę.
Renginio pabaigoje atsistoję visi dalyviai ir žiūrovai sudainavo jau beveik žemaičių himnu tapusią J. Raišutienės dainą „Žemaitėjė brongi, mes – tava vākā“.
